Deel deze pagina:
Op de nomade nao, haet idderein gaer örges ’n vaste plek óm te hoeze en te laeve. In ós lokale modertaal geuf ’t diverse benaminge veur zó’n vaste woeënplek, doorgaons hoes, wuuëning, villa of appartement geneump. Naeve de Ingelse lieënwäörd wie bungalow, flat en penthouse geuf ’t noe ouch ‘n tiny house (minihoes), ‘n container-home (containerhoes) en ’n kangaroo-home (kangoeroewuuëning). Truuk nao ós modertaal. Veur gebroeke benaminge wie ‘n klip, ‘ne tempel, ‘ne kas van ’n hoes veur groeëte luxueuze hoezer. As ’n get ajer hoes neet good óngerhaje is, neume veur det ’n aaj knal of ’n aaj boed. En veur erg kleine, krappe wuuëninge waere diverse minder aangename typeringe gebroek wie kroepgaat en knienshok. In de groeëte sjtaej drage die de deftige naam studio (sjtudio). Ouch de hut, de tent en de koeëj waere in oetdrökkinge as benaming veur ’n hoes gebroek: ‘Zie höbbe de ganse hut opgekalefaterd.’ / ‘Dao is ’t eine óngerein in de tent.’ / ‘Zie zien has noeëts aan de koeëj, altied mer op joets.’ En in ’t drökke en jachtige laeve van deze tied kump ’t verlange nao ’t nostalgische hutje op de sjtille hei aaf en toe weer nao baove drieve.
Deel deze pagina:
Op de nomade nao, haet idderein gaer örges ’n vaste plek óm te hoeze en te laeve. In ós lokale modertaal geuf ’t diverse benaminge veur zó’n vaste woeënplek, doorgaons hoes, wuuëning, villa of appartement geneump. Naeve de Ingelse lieënwäörd wie bungalow, flat en penthouse geuf ’t noe ouch ‘n tiny house (minihoes), ‘n container-home (containerhoes) en ’n kangaroo-home (kangoeroewuuëning). Truuk nao ós modertaal. Veur gebroeke benaminge wie ‘n klip, ‘ne tempel, ‘ne kas van ’n hoes veur groeëte luxueuze hoezer. As ’n get ajer hoes neet good óngerhaje is, neume veur det ’n aaj knal of ’n aaj boed. En veur erg kleine, krappe wuuëninge waere diverse minder aangename typeringe gebroek wie kroepgaat en knienshok. In de groeëte sjtaej drage die de deftige naam studio (sjtudio). Ouch de hut, de tent en de koeëj waere in oetdrökkinge as benaming veur ’n hoes gebroek: ‘Zie höbbe de ganse hut opgekalefaterd.’ / ‘Dao is ’t eine óngerein in de tent.’ / ‘Zie zien has noeëts aan de koeëj, altied mer op joets.’ En in ’t drökke en jachtige laeve van deze tied kump ’t verlange nao ’t nostalgische hutje op de sjtille hei aaf en toe weer nao baove drieve.