Deel deze pagina:
In ós modertaal haet mispel twieë beteikenisse. Veur neume de ‘wesp’ mispel. En krek wie in ’t Nederlands gebroeke veur ‘mispel’ ouch as benaming veur ’n aetbare vruch. As mispele eind okober begin november riep zien mót d’r ieërs ‘ne nachvors euverhaer zien gegange óm ze aetbaar te make. Riepe mispele zien namelik keihel. Mispele mótte fermentere, weik waere en zoegezag lichtelik bederve. Ze moge neet ech gaon rotte en besjummele. Daodoor is de oetdrökking ‘Zoe rot wie ’n mispel.’ óntsjtange. Ze kènne ouch ‘ne daag en ‘ne nach in de vrezer gelag waere, den zien ze baeter gesjik óm in recepte mèt beveurbeeld geruuësterde mispele verwèrk te waere. Van mispele waert ó.a. ouch gelei, jam en likeur gemaak. De mispelvruch haet qua naamgaeving d’raan biegedrage det de wesp in ós modertaal ouch mispel is gaon heite. In de loup van de gesjiedenis waerde ‘wespe’ oet ’t Middelnederlands in ós modertaal wespel mèt -l-. De -w- verangerde later in ‘n -m- en wespel waerde mespel. Ónger invloed van de vruchnaam mispel waerde ’t insect ouch mispel geneump. De luuj vónje zèlf de keuze veur mispel logisch, want in ’t najaor zien mispele nut op euverriep fruit, wie mispele. Dees vorm van waordverangering waert volksetymologie geneump. Veur ’t mieërvoud van mispel in allebei de beteikenisse waert mispels of mispele gebroek.
Deel deze pagina:
In ós modertaal haet mispel twieë beteikenisse. Veur neume de ‘wesp’ mispel. En krek wie in ’t Nederlands gebroeke veur ‘mispel’ ouch as benaming veur ’n aetbare vruch. As mispele eind okober begin november riep zien mót d’r ieërs ‘ne nachvors euverhaer zien gegange óm ze aetbaar te make. Riepe mispele zien namelik keihel. Mispele mótte fermentere, weik waere en zoegezag lichtelik bederve. Ze moge neet ech gaon rotte en besjummele. Daodoor is de oetdrökking ‘Zoe rot wie ’n mispel.’ óntsjtange. Ze kènne ouch ‘ne daag en ‘ne nach in de vrezer gelag waere, den zien ze baeter gesjik óm in recepte mèt beveurbeeld geruuësterde mispele verwèrk te waere. Van mispele waert ó.a. ouch gelei, jam en likeur gemaak. De mispelvruch haet qua naamgaeving d’raan biegedrage det de wesp in ós modertaal ouch mispel is gaon heite. In de loup van de gesjiedenis waerde ‘wespe’ oet ’t Middelnederlands in ós modertaal wespel mèt -l-. De -w- verangerde later in ‘n -m- en wespel waerde mespel. Ónger invloed van de vruchnaam mispel waerde ’t insect ouch mispel geneump. De luuj vónje zèlf de keuze veur mispel logisch, want in ’t najaor zien mispele nut op euverriep fruit, wie mispele. Dees vorm van waordverangering waert volksetymologie geneump. Veur ’t mieërvoud van mispel in allebei de beteikenisse waert mispels of mispele gebroek.
