Deel deze pagina:
’n Noot is ’n mezieknoot óf ’n vruch. ’t Mieërvoud van mezieknoot is (meziek)note en van ’n vruch is det neut, beveurbeeld hazelneut, walneut. In samesjtèllinge mèt ’t mieërvoud veuraan gebroeke veur note in plaats van neut: noteboum, notetak, noteboze (notenbolsters), notesjale, notekrumele, notesjóklaad, notesjmaak, noteaolie etc. Kump ’t mieërvoud achteraan den is ’t gebroek wisselend aan ’t waere, naeve ’t originele waord neut is note in opmars: hazelneut / hazelnote, walneut / walnote. Naeve mezieknote geuf ’t ouch nag vootnote (voetnoten) as extra verklaoring van ’n begrip oet ‘ne tèks. As verkleinwaord geuf ’t gèn nootjes, allein mer neutjes; beukeneutjes, apeneutjes, borrelneutjes. Neutjes zien d’r neet allein óm op te aete mer ouch as kaoleneutjes óm te sjtaoke. Vief saorte geuf ‘t, neutjes 1 toet en mèt 5. Veural neutjes 3 en 4 ware vreuger populair. Ze zien hie en dao nag te koup. Bekènde oetdrökkinge mèt note en neut zien ó.a. ‘Väöl note oppe zang höbbe.’ (veeleisend zijn); ‘De helste neut kriege.’ (het zwaar te verduren hebben); ‘Zie höbbe dao de neut gesjlage.’ (zij zijn er daar financieel goed op vooruitgegaan); ‘Waem zichzèlf good waart, bewaart gèn douf neut.’ (wie zichzèlf goed in acht neemt, plukt daar de vruchten van, doet geen onnuttige dingen). Douf neut zien neut mèt ‘ne laege dop, dus zónger vruch. Hiel bekènd in ós gemeinte zien benaminge wie kapper ‘Neutje’ en blaoskepèl ‘de Notekrakers’.
Deel deze pagina:
’n Noot is ’n mezieknoot óf ’n vruch. ’t Mieërvoud van mezieknoot is (meziek)note en van ’n vruch is det neut, beveurbeeld hazelneut, walneut. In samesjtèllinge mèt ’t mieërvoud veuraan gebroeke veur note in plaats van neut: noteboum, notetak, noteboze (notenbolsters), notesjale, notekrumele, notesjóklaad, notesjmaak, noteaolie etc. Kump ’t mieërvoud achteraan den is ’t gebroek wisselend aan ’t waere, naeve ’t originele waord neut is note in opmars: hazelneut / hazelnote, walneut / walnote. Naeve mezieknote geuf ’t ouch nag vootnote (voetnoten) as extra verklaoring van ’n begrip oet ‘ne tèks. As verkleinwaord geuf ’t gèn nootjes, allein mer neutjes; beukeneutjes, apeneutjes, borrelneutjes. Neutjes zien d’r neet allein óm op te aete mer ouch as kaoleneutjes óm te sjtaoke. Vief saorte geuf ‘t, neutjes 1 toet en mèt 5. Veural neutjes 3 en 4 ware vreuger populair. Ze zien hie en dao nag te koup. Bekènde oetdrökkinge mèt note en neut zien ó.a. ‘Väöl note oppe zang höbbe.’ (veeleisend zijn); ‘De helste neut kriege.’ (het zwaar te verduren hebben); ‘Zie höbbe dao de neut gesjlage.’ (zij zijn er daar financieel goed op vooruitgegaan); ‘Waem zichzèlf good waart, bewaart gèn douf neut.’ (wie zichzèlf goed in acht neemt, plukt daar de vruchten van, doet geen onnuttige dingen). Douf neut zien neut mèt ‘ne laege dop, dus zónger vruch. Hiel bekènd in ós gemeinte zien benaminge wie kapper ‘Neutje’ en blaoskepèl ‘de Notekrakers’.
