Deel deze pagina:
“Doe zuus d’roet wie ’n pupke.” Det kèn ’n cómpliment zien veur ’n nette modieus gekleide vrouw. Negatiever is “Kiek dao, wat ’n puupsje”. Det is ’n typering veur ’n extravagante aansjtèllerige vrouw. Póppe en pupkes geuf ’t in óntèlbare variaties ó.a. sjpeelpóppe, etalagepóppe, póppekaspóppe, robotpóppe, artistieke póppe etc. De benaming póp of pupke duit veural dinke aan ‘t klassieke beeld van de vorme van ‘n mienselichaam. Mer d’r zien ouch angere, neet aan de miens gerelateerde vorme die de benaming póp of pupke drage. Zoe vinje veur póp truuk as benaming veur ’n kenarievruike en in de insectewaereld ó.a. de vlinderpóp, wao-in de rups ómgevormp waert in ‘ne vlinder. Biezónjer zien bepaolde artikele die de naam póp drage. Waem kènt nag de benaming ‘pupke sjtikzie’ veur ’n hol kertónne rölke, ómwikkeld met sjtikzie, det se op ’t neimesjien kèns zètte? En wat is ’t historische ‘pupke blauw’? Det is ’n zèkske met blauwsel óm wasgood ‘n wittere oetsjtraoling te gaeve. Pupkes blauw geuf ’t neet mieër, pupkes sjtikzie waal. Hiel typisch waar vreuger ‘t ‘pupke zaat’ in de zekskes met zaatloze chips van Smiths. Det zaat waar verpak in ’n pröpke vetvrie blauw pepier det aan de baovekantj wie ’n sjnoeppepierke bie-eingedreid waar. In 2003 haet de Britse firma Walkers dit nostalgische artikel weer op de mert gebrach ónger de merknaam Salt & Shake.
Deel deze pagina:
“Doe zuus d’roet wie ’n pupke.” Det kèn ’n cómpliment zien veur ’n nette modieus gekleide vrouw. Negatiever is “Kiek dao, wat ’n puupsje”. Det is ’n typering veur ’n extravagante aansjtèllerige vrouw. Póppe en pupkes geuf ’t in óntèlbare variaties ó.a. sjpeelpóppe, etalagepóppe, póppekaspóppe, robotpóppe, artistieke póppe etc. De benaming póp of pupke duit veural dinke aan ‘t klassieke beeld van de vorme van ‘n mienselichaam. Mer d’r zien ouch angere, neet aan de miens gerelateerde vorme die de benaming póp of pupke drage. Zoe vinje veur póp truuk as benaming veur ’n kenarievruike en in de insectewaereld ó.a. de vlinderpóp, wao-in de rups ómgevormp waert in ‘ne vlinder. Biezónjer zien bepaolde artikele die de naam póp drage. Waem kènt nag de benaming ‘pupke sjtikzie’ veur ’n hol kertónne rölke, ómwikkeld met sjtikzie, det se op ’t neimesjien kèns zètte? En wat is ’t historische ‘pupke blauw’? Det is ’n zèkske met blauwsel óm wasgood ‘n wittere oetsjtraoling te gaeve. Pupkes blauw geuf ’t neet mieër, pupkes sjtikzie waal. Hiel typisch waar vreuger ‘t ‘pupke zaat’ in de zekskes met zaatloze chips van Smiths. Det zaat waar verpak in ’n pröpke vetvrie blauw pepier det aan de baovekantj wie ’n sjnoeppepierke bie-eingedreid waar. In 2003 haet de Britse firma Walkers dit nostalgische artikel weer op de mert gebrach ónger de merknaam Salt & Shake.
