Deel deze pagina:
Baekvaegers aan de baek en oppe toeptaofel
Baeke mótte óngerhaje waere, det is óntzettend belangriek. Taegewaordig beje machines väöl óngersjteuning. Al in de Middelieëwe goof ’t baekvaegers. Baeke vaege waar eigelik ’n algemeine burgerplich, reglementair vasgelag. De waterluipe móste vrie blieve van reet, waterplante, tek etc. Mèt ’n rechte zich waerde ieërs graof gesjneujd en den waerde alles mèt ’n breie herk losgetrokke, nao baove gehaold en langs de baek neergelag. Det waar hiel zjwaor en sjlech betaald wèrk det dök door daaghuurders (dagloners) gedaon waerde. In de gemeinsjap keke de meiste luuj neer op baekvaegers.
Al deje baekvaegers nuttig en belangriek wèrk, ze waerde toch as minderwaerdig volk gezeen en krege ’n sjlechte reputatie. In diverse Limburgse plaatse haet baekvaeger van vreuger oet ’n negatieve beteikenis, namelik ‘lomperik, schooier, schavuit’. Opvallend is det die negatieve beteikenis euvergenaome is op ’n gans anger vlak, ’t kaartsjpel. As emes tiedes ’t kaartsjpel sjlechte kaarte in henj haet waere die kaarte ouch baekvaegers geneump.
Deel deze pagina:
Baekvaegers aan de baek en oppe toeptaofel
Baeke mótte óngerhaje waere, det is óntzettend belangriek. Taegewaordig beje machines väöl óngersjteuning. Al in de Middelieëwe goof ’t baekvaegers. Baeke vaege waar eigelik ’n algemeine burgerplich, reglementair vasgelag. De waterluipe móste vrie blieve van reet, waterplante, tek etc. Mèt ’n rechte zich waerde ieërs graof gesjneujd en den waerde alles mèt ’n breie herk losgetrokke, nao baove gehaold en langs de baek neergelag. Det waar hiel zjwaor en sjlech betaald wèrk det dök door daaghuurders (dagloners) gedaon waerde. In de gemeinsjap keke de meiste luuj neer op baekvaegers.
Al deje baekvaegers nuttig en belangriek wèrk, ze waerde toch as minderwaerdig volk gezeen en krege ’n sjlechte reputatie. In diverse Limburgse plaatse haet baekvaeger van vreuger oet ’n negatieve beteikenis, namelik ‘lomperik, schooier, schavuit’. Opvallend is det die negatieve beteikenis euvergenaome is op ’n gans anger vlak, ’t kaartsjpel. As emes tiedes ’t kaartsjpel sjlechte kaarte in henj haet waere die kaarte ouch baekvaegers geneump.
