Deel deze pagina:
In Bezel geuf ’t in Aaddörp aan de diek ‘ne ‘Paddenpoel’. Dae is sjpeciaal aangelag veur amfibieë, wie kwekkers, pedde, salamanders en insecte, wie glazesjniejers (libellen), sjrievers (waterkevers), sjaatseriejers (waterlopers). Naeve de pool sjteit ouch nag ’n sjiek ‘Insectenhotel’. In ós modertaal (’t Bezels & Ruivers) is ‘ped’ de benaming van ‘pad’. Idderein gebroekde dae naam, mer noe kees idderein ónger invloed van ’t Nederlands lever veur pad. Zaes se in ‘ne groep wanjelaers ”Zitte d’r dit jaor väöl pedde in de peddepool?”, den kiek idderein dich vraemp aan en dink “Wat zaet dae noe!?”
Get baeter geit ’t mèt de koelekop, dae naam waert door de wat ajere generatie nag waal gebroek. De jóngere generatie nimp dae naam jaomer genóg neet euver, zeker as de kinjer al kalle euver ‘kikkervisje’. Koelekop is aafgeleid van het Duitse Kaulkopf/Kaulquappe mèt dezèlfde beteikenis. Pedde en kwekkers zorge allebei mèt riekelik väöl koeleköpkes veur ’n groeët naogesjlach. Daoróm is ‘t sjoeën det dae Peddepool in Bezel d’r is, ‘ne zaege veur ‘t insjtandjhaje van Moder Natuur. Jaomer det Moder Taal wie langer wie mieër aaftakelt. Waem redt modertaalwäörd wie koeleköpkes, kwekkers, pedde, glazesjniejers, sjrievers, sjaatseriejers?
Deel deze pagina:
In Bezel geuf ’t in Aaddörp aan de diek ‘ne ‘Paddenpoel’. Dae is sjpeciaal aangelag veur amfibieë, wie kwekkers, pedde, salamanders en insecte, wie glazesjniejers (libellen), sjrievers (waterkevers), sjaatseriejers (waterlopers). Naeve de pool sjteit ouch nag ’n sjiek ‘Insectenhotel’. In ós modertaal (’t Bezels & Ruivers) is ‘ped’ de benaming van ‘pad’. Idderein gebroekde dae naam, mer noe kees idderein ónger invloed van ’t Nederlands lever veur pad. Zaes se in ‘ne groep wanjelaers ”Zitte d’r dit jaor väöl pedde in de peddepool?”, den kiek idderein dich vraemp aan en dink “Wat zaet dae noe!?”
Get baeter geit ’t mèt de koelekop, dae naam waert door de wat ajere generatie nag waal gebroek. De jóngere generatie nimp dae naam jaomer genóg neet euver, zeker as de kinjer al kalle euver ‘kikkervisje’. Koelekop is aafgeleid van het Duitse Kaulkopf/Kaulquappe mèt dezèlfde beteikenis. Pedde en kwekkers zorge allebei mèt riekelik väöl koeleköpkes veur ’n groeët naogesjlach. Daoróm is ‘t sjoeën det dae Peddepool in Bezel d’r is, ‘ne zaege veur ‘t insjtandjhaje van Moder Natuur. Jaomer det Moder Taal wie langer wie mieër aaftakelt. Waem redt modertaalwäörd wie koeleköpkes, kwekkers, pedde, glazesjniejers, sjrievers, sjaatseriejers?
