Deel deze pagina:
As emes kwaod mèt de erm zjweit en duchtig begint te sjpoeze neume veur det ‘kerweistere wie d’r duvel in ‘ne wiewaterbak’. Ieëwelang zien generaties opgegreujd mèt de hèl en de hemel, mèt duvels en ingele. Väöl begrippe en oetdrökkinge oet de religieuze sfeer waere noe neet mieër begrepe. Zoeë ouch de hèlse afkieër van wiewater bie duvels. Gezaegend wiewater is ’t symbool van de goddelike reiniging van de mienselike geis en ‘t lief, ’t sjtreve nao ’t zuvere. Kinjer laote duipe waar belangriek. Wiewater deende vreuger veural óm duvels te besjtrieje, ’t kwaod en allerlei kwaole te laote verdwiene. In hoes haje de luuj flesse wiewater paraat sjtaon en wiewaterbekskes aan de moer. As teike van devotie sopde ze bie ’t opsjtaon en bie ’t nao bèd gaon de vingers in ’t wiewater en maakde ’n kruuts. Wiewater deende ouch óm bie bliksem en sjtorm ’t hoes te zaegene, en óm anger ónheil of krankheid te waere. Bie sommige rituele waert aaf en toe nag waal èns wiewater mèt ‘ne wiewaterkwas róndjgesjtruid, mer die situaties doon zich wie langer wie minder veur. Mieër algemeine oetdrökkinge mèt de duvel of duvels waere waal nag gebroek, beveurbeeld: ‘De duvels höbbe kermis’ as ’t raegent en tegeliekertied de zón sjient. ‘As se ’t euver de duvel höbs, traejs se ‘m oppe sjtert’ as se euver emes kals en dae den ónverwachs versjient.
Deel deze pagina:
As emes kwaod mèt de erm zjweit en duchtig begint te sjpoeze neume veur det ‘kerweistere wie d’r duvel in ‘ne wiewaterbak’. Ieëwelang zien generaties opgegreujd mèt de hèl en de hemel, mèt duvels en ingele. Väöl begrippe en oetdrökkinge oet de religieuze sfeer waere noe neet mieër begrepe. Zoeë ouch de hèlse afkieër van wiewater bie duvels. Gezaegend wiewater is ’t symbool van de goddelike reiniging van de mienselike geis en ‘t lief, ’t sjtreve nao ’t zuvere. Kinjer laote duipe waar belangriek. Wiewater deende vreuger veural óm duvels te besjtrieje, ’t kwaod en allerlei kwaole te laote verdwiene. In hoes haje de luuj flesse wiewater paraat sjtaon en wiewaterbekskes aan de moer. As teike van devotie sopde ze bie ’t opsjtaon en bie ’t nao bèd gaon de vingers in ’t wiewater en maakde ’n kruuts. Wiewater deende ouch óm bie bliksem en sjtorm ’t hoes te zaegene, en óm anger ónheil of krankheid te waere. Bie sommige rituele waert aaf en toe nag waal èns wiewater mèt ‘ne wiewaterkwas róndjgesjtruid, mer die situaties doon zich wie langer wie minder veur. Mieër algemeine oetdrökkinge mèt de duvel of duvels waere waal nag gebroek, beveurbeeld: ‘De duvels höbbe kermis’ as ’t raegent en tegeliekertied de zón sjient. ‘As se ’t euver de duvel höbs, traejs se ‘m oppe sjtert’ as se euver emes kals en dae den ónverwachs versjient.
