Deel deze pagina:
Wat levert det antjwaord op? Gegarandeerd ‘n boetsautogezich bie degene dae de vraog haet gesjtèld. Det is ’t gevolg van twieë taalbreine, waovan ‘s ein neet mieër genóg modertaalwäörd bevat óm communicatieprobleme te veurkómme. ‘t Taalbrein van de vraogsjtèller haet bliekbaar minder alledaagse modertaalwäörd ter besjikking as det van de antjwaordgaever. Mer bie dae lètste is de kans groeët det d’r ónbewus toch kopje ’t brein binnesjluip en den as köpke ‘t teske opvrit, zeker as dageliks väöl kopje-signale opgevange waere: kopje koffie? (cup of coffee?) De frequentie is doorsjlaaggaevend. Dominante tale overheerse minderheidstale. Wat se dök huurs geis se zèlf naozègke en op den doer gans euvernimme, en det gèlt zeker veur peuters en kleuters, mer ouch veur volwassene. De seine oet ’t plat van euver de päöl, det väöl mèt ós modertaal euverein kwaam, bereike ós ouch neet mieër want dao is ’t plat op 1% nao zoe good as doeëd. Limburgers versjtaon en kalle euver ’t algemein nag waal Hoeëgduits, ónger de jóngere generaties waert det minder. ‘ne Limburger zal in Pruses net gauw op zien Hollands ‘ein ‘Köpfchen Kaffee’ besjtèlle. Net truuk euver de grens in Limburg haopelik waal ’n teske kóffie en absoluut gèn köpke kóffie.
Deel deze pagina:
Wat levert det antjwaord op? Gegarandeerd ‘n boetsautogezich bie degene dae de vraog haet gesjtèld. Det is ’t gevolg van twieë taalbreine, waovan ‘s ein neet mieër genóg modertaalwäörd bevat óm communicatieprobleme te veurkómme. ‘t Taalbrein van de vraogsjtèller haet bliekbaar minder alledaagse modertaalwäörd ter besjikking as det van de antjwaordgaever. Mer bie dae lètste is de kans groeët det d’r ónbewus toch kopje ’t brein binnesjluip en den as köpke ‘t teske opvrit, zeker as dageliks väöl kopje-signale opgevange waere: kopje koffie? (cup of coffee?) De frequentie is doorsjlaaggaevend. Dominante tale overheerse minderheidstale. Wat se dök huurs geis se zèlf naozègke en op den doer gans euvernimme, en det gèlt zeker veur peuters en kleuters, mer ouch veur volwassene. De seine oet ’t plat van euver de päöl, det väöl mèt ós modertaal euverein kwaam, bereike ós ouch neet mieër want dao is ’t plat op 1% nao zoe good as doeëd. Limburgers versjtaon en kalle euver ’t algemein nag waal Hoeëgduits, ónger de jóngere generaties waert det minder. ‘ne Limburger zal in Pruses net gauw op zien Hollands ‘ein ‘Köpfchen Kaffee’ besjtèlle. Net truuk euver de grens in Limburg haopelik waal ’n teske kóffie en absoluut gèn köpke kóffie.
