“Opèns waar d’r väöl pesjtakel oppe sjtraot.” Pesjtakel beteikent ‘lawaai, herrie’ en pesjtakele is ‘lawaai, herrie maken’. Pesjtakel is ’n sjoeën veurbeeld van ‘methatesis’. Det is ‘ne taalkundige term veur lètterómzetting. Zó’n ómzetting kump dökker veur as miense ’n bepaolde lettercombinatie get gemekkeliker gaon oetsjpraeke, pesjtakel in plaats van sjpektakel. “De pliesie maakde mich ’n perses.” Perses is de ómzetting van proces (proces-verbaal). Ouch in plaatsname kump de ómzetting veur: Vlorp (Vlodrop);

Bögkeme (Buggenum); Wielder (Wylre); Bèngelder (Bingelrade); Doonder (Doenrade); Haander (Haanrade); Kunder (Kunrade); Eckelder (Eckelrade); Herkenter (Herkenrade) Paalder (Paarlo); Baolder (Baarlo); in sommige plaatse naeve en baove Vènlo waar de benaming Vènnel (Venlo) hiel gebroekelik. Mei verangert has ’t ganse waord: Voelender (Voerendaal); Mieëldere (Meerlo); Kassele (Castenray); Oeldere (Oirlo); de Loj (Wellerlooi); Vors (Broekhuizenvorst); Tebannet (Banholt); Wilder (Wahlwiller); Sjevemet (Chevremont); Vaosje (Vaesrade); de Boesj (Koningsbosch); D’r Busj (Abdissenbosch); Beech (Grevenbicht); Sjin (Schin op Geul); de Berg (Ubachsberg); Berg (Sint Odiliënberg + Berg aan de Maas + Berg in de gemeente Valkenburg). Biezónjer zien name die gans angers zien wie Kepèl (Panningen); de Pieël (Evertsoord); Aw-Kirk (Oud-Roosteren); D’r Sjeet (Schaesberg).