

Wat is det den, uttunnunne? Det is ’n joeksig bedoeld nie Bezels-Ruivers wèrkwaord veur ’t sjrieve van ut, un en unne. Weinig miense gebroeke ‘t, ’n en ‘ne, zoe-as ’t zich volges de richliene huurt. In allerlei gesjreve sjtökskes modertaal kómme veur ut, un en unne taege. Allemaol aeve good bedoeld, dao neet van. Sommige luuj vinje ’t mer pintenäökerie en pleite zich vrie door te zègke “Baeter sjlech gesjreve as neet gesjreve.” Veur mótte ós waal realisere det un en unne in sommige Limburgse dialecte ‘ui’ en ‘uien’ beteikent. Sjriefs se den un un? Kèns se toch baeter de regel volge en ’n un sjrieve. En wat te dinke van un unneveld van unne unneboer? Den sjteit ’n unneveld van ‘ne unneboer toch waal get baeter d’rop. Joeksig waert ’t mèt unne man, dae dus unne bie zich haet, want dae waert al gauw loukmenke of ojemenke geneump. En den höbbe veur ’t nag neet gehad euver ut, det is toch ech nut. As veur netjes wille sjrieve, kump ’t maedje toch väöl netter euver den ut maedje. Ut moog gezag waere, mer lever neet gesjreve.
Neet uttunnunne





Deel deze pagina:
Wat is det den, uttunnunne? Det is ’n joeksig bedoeld nie Bezels-Ruivers wèrkwaord veur ’t sjrieve van ut, un en unne. Weinig miense gebroeke ‘t, ’n en ‘ne, zoe-as ’t zich volges de richliene huurt. In allerlei gesjreve sjtökskes modertaal kómme veur ut, un en unne taege. Allemaol aeve good bedoeld, dao neet van. Sommige luuj vinje ’t mer pintenäökerie en pleite zich vrie door te zègke “Baeter sjlech gesjreve as neet gesjreve.” Veur mótte ós waal realisere det un en unne in sommige Limburgse dialecte ‘ui’ en ‘uien’ beteikent. Sjriefs se den un un? Kèns se toch baeter de regel volge en ’n un sjrieve. En wat te dinke van un unneveld van unne unneboer? Den sjteit ’n unneveld van ‘ne unneboer toch waal get baeter d’rop. Joeksig waert ’t mèt unne man, dae dus unne bie zich haet, want dae waert al gauw loukmenke of ojemenke geneump. En den höbbe veur ’t nag neet gehad euver ut, det is toch ech nut. As veur netjes wille sjrieve, kump ’t maedje toch väöl netter euver den ut maedje. Ut moog gezag waere, mer lever neet gesjreve.
Neet uttunnunne







Deel deze pagina: