Deel deze pagina:
De Draaksjtaekkeuning in Bezel goof in 2023 al ’t goeje veurbeeld, hae kalde plat taege ’t plebs. En idderein moogde in ’t plat truukkalle. Subliem veurbeeld van behaad van ós aadste immateriële culturele èrfgood ‘Ós eige modertaal’. As Keuning van ’t Draaksjtaeke in 1995 moogde ich gèn plat kalle mer allein sjtief keuninklik Hollands. Noe haet de echte keuning, Keuning Willem Alexander, ós modertaal ’n groeëte ieër beweze. Dialekvereiniging VELDEKE Limburg besjteit 100 jaor. Hóngerd jaor inzet veur ós modertaal, al vanaaf 1926 miense blieve sjtimulere óm de eige lokale modertaal in sjtandj te haje door ze te sjpraeke, te laeze, te sjrieve en ze iddere daag euver te drage op nieje generaties. Keuning Willem Alexander haet as dank VELDEKE mèt ’n keuninklike oorkonde officieel ’t predicaat ‘Koninklijk’ gegaeve. Keuninklike oorkondes waere altied in formeel Nederlands gesjreve, mer noe is die in ’t Limburgs gesjreve. Waert ’t den toch waor? Is ‘t ’n kwestie van gedöld toetdet gans Holland Limburgs lölt? Of is ‘t ’n kwestie van gedöld toetdet gans Limburg Hollands lölt? VELDEKE en de Keuning höbbe laote blieke wat ós modertaal waerd is, noe mót iddere Limburger zèlf besjlisse: waal modertaal of gèn modertaal. ZIngs se waal of neet: ‘Wie sjoeën ós Limburgs is det wèt toch nemes, allein de zuderling dae ’t Limburgs leef is! Want door de jaore haer bleef ‘t Limburgs ónbetwis ós echte modertaal die ’t sjónste is!
Deel deze pagina:
De Draaksjtaekkeuning in Bezel goof in 2023 al ’t goeje veurbeeld, hae kalde plat taege ’t plebs. En idderein moogde in ’t plat truukkalle. Subliem veurbeeld van behaad van ós aadste immateriële culturele èrfgood ‘Ós eige modertaal’. As Keuning van ’t Draaksjtaeke in 1995 moogde ich gèn plat kalle mer allein sjtief keuninklik Hollands. Noe haet de echte keuning, Keuning Willem Alexander, ós modertaal ’n groeëte ieër beweze. Dialekvereiniging VELDEKE Limburg besjteit 100 jaor. Hóngerd jaor inzet veur ós modertaal, al vanaaf 1926 miense blieve sjtimulere óm de eige lokale modertaal in sjtandj te haje door ze te sjpraeke, te laeze, te sjrieve en ze iddere daag euver te drage op nieje generaties. Keuning Willem Alexander haet as dank VELDEKE mèt ’n keuninklike oorkonde officieel ’t predicaat ‘Koninklijk’ gegaeve. Keuninklike oorkondes waere altied in formeel Nederlands gesjreve, mer noe is die in ’t Limburgs gesjreve. Waert ’t den toch waor? Is ‘t ’n kwestie van gedöld toetdet gans Holland Limburgs lölt? Of is ‘t ’n kwestie van gedöld toetdet gans Limburg Hollands lölt? VELDEKE en de Keuning höbbe laote blieke wat ós modertaal waerd is, noe mót iddere Limburger zèlf besjlisse: waal modertaal of gèn modertaal. ZIngs se waal of neet: ‘Wie sjoeën ós Limburgs is det wèt toch nemes, allein de zuderling dae ’t Limburgs leef is! Want door de jaore haer bleef ‘t Limburgs ónbetwis ós echte modertaal die ’t sjónste is!
