Deel deze pagina:
Nao ’t ieërdere PUIK-artikel ‘Verkes Wullem waar van adel’ mèt ‘n verklaoring euver de achtergróndj van de oetdrökking ‘D’raan wie Verkes Wullem’ kwaam de vraog nao veure wat d’r van Verkes Wullem (Zwijn van de Ardennen) terechgekómme waar. Zoewie bekènd waar Verkes Wullem, Willem (Guillaume) de la Marck, ‘ne beruchte adelike vechtersbaas. Hae haet op diverse momente in de sjtreek róndj Luuk, Hasselt en Mesjtreech mèt zien leger duchtig hoesgehaje mèt väöl sjlachoffers toet gevolg. Mèt ’t grótste gemaak maakde d’r van vrunj taegesjtenjers en van taegesjtenjers vrunj. Naodet d’r zich ’n tiedje röstig haaj gehaje waerde Verkes Wullem in 1485 toch nag op bevel van aartshertog Maximiliaan van Habsburg gevange genaome en op ’t Vriethof (Vrijthof) in Mesjtreech geköp (onthoofd). Zien lètste wäörd ware: ‘Mijn hoofd zal lang bloeden!’. De femilie van der Marck waar oet op wraak en det goof toet 1492 väöl conflicte die oetlepe op ‘ne burgeroorlog. De femilie kreeg ‘ne bekende naokómmeling, Willem (Lumey) van der Marck (1542 – 1578), bekend as Lumey, leider van de Watergeuzen. Hae waar de achterkleinzoon van Verkes Wullem. In de Leidse tak van de femilie van der Marck zeen veur in ’t femiliewaope drie wil verkesköp truuk, symbole van mood en krach. De wil verkeskop waar ouch ’t symbool det Willem gebroekde en daodoor kreeg d’r de bienaam Zwijn van de Ardennen, in de volksmóndj Verkes Wullem.
Deel deze pagina:
Nao ’t ieërdere PUIK-artikel ‘Verkes Wullem waar van adel’ mèt ‘n verklaoring euver de achtergróndj van de oetdrökking ‘D’raan wie Verkes Wullem’ kwaam de vraog nao veure wat d’r van Verkes Wullem (Zwijn van de Ardennen) terechgekómme waar. Zoewie bekènd waar Verkes Wullem, Willem (Guillaume) de la Marck, ‘ne beruchte adelike vechtersbaas. Hae haet op diverse momente in de sjtreek róndj Luuk, Hasselt en Mesjtreech mèt zien leger duchtig hoesgehaje mèt väöl sjlachoffers toet gevolg. Mèt ’t grótste gemaak maakde d’r van vrunj taegesjtenjers en van taegesjtenjers vrunj. Naodet d’r zich ’n tiedje röstig haaj gehaje waerde Verkes Wullem in 1485 toch nag op bevel van aartshertog Maximiliaan van Habsburg gevange genaome en op ’t Vriethof (Vrijthof) in Mesjtreech geköp (onthoofd). Zien lètste wäörd ware: ‘Mijn hoofd zal lang bloeden!’. De femilie van der Marck waar oet op wraak en det goof toet 1492 väöl conflicte die oetlepe op ‘ne burgeroorlog. De femilie kreeg ‘ne bekende naokómmeling, Willem (Lumey) van der Marck (1542 – 1578), bekend as Lumey, leider van de Watergeuzen. Hae waar de achterkleinzoon van Verkes Wullem. In de Leidse tak van de femilie van der Marck zeen veur in ’t femiliewaope drie wil verkesköp truuk, symbole van mood en krach. De wil verkeskop waar ouch ’t symbool det Willem gebroekde en daodoor kreeg d’r de bienaam Zwijn van de Ardennen, in de volksmóndj Verkes Wullem.
