De zeuktoch nao de herkóms van de oetdrökking ‘D’raan wie Verkes Wullem’ haet noe ’n plausibele verklaoring opgeleverd. ‘Hae geit d’raan wie Verkes Wullem’ of ‘Zie gaon d’raan wie Verkes Wullem’ is bekènd in Limburg. De oetdrökking kump in diverse beuk en leedjes veur en beteikent krachtig en fanatiek te wèrk gaon. Allein de verklaoring waem Verkes Wullem waar óntbrik. Sjpeurwèrk in algemeine brónne euver de Limburgse gesjiedenis haet ‘n interessant resultaat opgeleverd, namelik in de grenssjtreek mèt Bels ónger Mesjtreech. In ‘t book ‘De kus van de ijzeren maagd’, en andere merkwaardige, historische en scandaleuze geschiedenissen uit vroeger eeuwen’ van historicus en sjriever Jef Leunissen (1900-1980) sjteit ’n oetveurige besjrieving van ‘Het Wildzwijn der Ardennen’. Det waar de bienaam van graaf Willem van der Marck (1445-1485), heer van Lummen (Lumey) en het graafschap Loon, beruch óm zien gewelddadig en verweustend optraeje in de regio Luuk (Luik), Hasselt, Mesjtreech. Willem waar zoe trots op ziene beruchte bienaam ‘Wildzwijn’, det op de moewe van de roeëje uniforme van zien sjeldaote, as ’n saort mascotte, ‘ne kop van ’n wild verke geborduurd waar. Door zien sinister geweld en ’t symbolisch gebroek van de wil verkeskop kump Willem van der Marck ’t meis in aanmerking veur de Limburgse bienaam ‘Verkes Wullem’.
(De vraog nao de herkóms van de oetdrökking kump van Truus Claessen-Killaars (Truus van Kielaars Wiel) oet Óffebek.
Deel deze pagina:
De zeuktoch nao de herkóms van de oetdrökking ‘D’raan wie Verkes Wullem’ haet noe ’n plausibele verklaoring opgeleverd. ‘Hae geit d’raan wie Verkes Wullem’ of ‘Zie gaon d’raan wie Verkes Wullem’ is bekènd in Limburg. De oetdrökking kump in diverse beuk en leedjes veur en beteikent krachtig en fanatiek te wèrk gaon. Allein de verklaoring waem Verkes Wullem waar óntbrik. Sjpeurwèrk in algemeine brónne euver de Limburgse gesjiedenis haet ‘n interessant resultaat opgeleverd, namelik in de grenssjtreek mèt Bels ónger Mesjtreech. In ‘t book ‘De kus van de ijzeren maagd’, en andere merkwaardige, historische en scandaleuze geschiedenissen uit vroeger eeuwen’ van historicus en sjriever Jef Leunissen (1900-1980) sjteit ’n oetveurige besjrieving van ‘Het Wildzwijn der Ardennen’. Det waar de bienaam van graaf Willem van der Marck (1445-1485), heer van Lummen (Lumey) en het graafschap Loon, beruch óm zien gewelddadig en verweustend optraeje in de regio Luuk (Luik), Hasselt, Mesjtreech. Willem waar zoe trots op ziene beruchte bienaam ‘Wildzwijn’, det op de moewe van de roeëje uniforme van zien sjeldaote, as ’n saort mascotte, ‘ne kop van ’n wild verke geborduurd waar. Door zien sinister geweld en ’t symbolisch gebroek van de wil verkeskop kump Willem van der Marck ’t meis in aanmerking veur de Limburgse bienaam ‘Verkes Wullem’.
(De vraog nao de herkóms van de oetdrökking kump van Truus Claessen-Killaars (Truus van Kielaars Wiel) oet Óffebek.
Deel deze pagina: