De naam klingelbujel is in de 17e ieëw aafgeleid van ’t Duitse waord ‘Klingelbeutel’. Klingel is gerelateerd aan ’t Duitse waord ‘klingeln’ (bellen, rinkelen). De klingelbujel zit aan ‘ne lange sjtek en deende in de kèrk as verzamelzak veur ’t geld det tiedes de mis door collectante opgehaold waerde. Ónger aan dae bujel zit ’n belke. De collectante sjödde regelmaotig mèt de klingelbujel óm sjlaopende kèrkgengers al klingelend wakker te make en aan te sjpaore óm geld in de bujel te doon. Klingelbujels zien intösse museumsjtökke gewaore en in de kèrk zien ze vervange door collectesjaole of mendjes. In de moderne dialectsjpelling waert klingelbujel mer mèt ein -u- gesjreve. In de kèrk en bie väöl kepelkes geuf ’t ‘ne offersjtok, ’t ajere waord veur offerblok. De Middelnederlandse naam (1240) ‘stoc’ geuf ’n completer beeld. Eigelik waar det ‘ne veerkentjige baejpaol (bidpaal). Baejpäöl sjtinge meistal naeve de belangriekste toegangswaeg nao de sjtaej of dörpe. In dae paol (stoc) waar baovenin ‘ne holte oetgekap mèt ’n heiligebeeldje d’rin. Baove die äöpening waerde mei ’n klein houte daekske aangebrach. Ónger aan de paol zoot ’n iezere kesje mèt ’n sjlaot en in det kesje kóste de katholieke geluivige ’n offer (munte) deponere. Veur de paol sjting dök ’n lieëg benkske wao de miense op kóste knele óm te baeje. Oet de complete beteikenis van de baejpaol (stoc) is de benaming van ’n detail óntsjtange, de offersjtok, ‘t kesje óm geld in te deponere, taegewaordig offerblok geneump.
Deel deze pagina:
De naam klingelbujel is in de 17e ieëw aafgeleid van ’t Duitse waord ‘Klingelbeutel’. Klingel is gerelateerd aan ’t Duitse waord ‘klingeln’ (bellen, rinkelen). De klingelbujel zit aan ‘ne lange sjtek en deende in de kèrk as verzamelzak veur ’t geld det tiedes de mis door collectante opgehaold waerde. Ónger aan dae bujel zit ’n belke. De collectante sjödde regelmaotig mèt de klingelbujel óm sjlaopende kèrkgengers al klingelend wakker te make en aan te sjpaore óm geld in de bujel te doon. Klingelbujels zien intösse museumsjtökke gewaore en in de kèrk zien ze vervange door collectesjaole of mendjes. In de moderne dialectsjpelling waert klingelbujel mer mèt ein -u- gesjreve. In de kèrk en bie väöl kepelkes geuf ’t ‘ne offersjtok, ’t ajere waord veur offerblok. De Middelnederlandse naam (1240) ‘stoc’ geuf ’n completer beeld. Eigelik waar det ‘ne veerkentjige baejpaol (bidpaal). Baejpäöl sjtinge meistal naeve de belangriekste toegangswaeg nao de sjtaej of dörpe. In dae paol (stoc) waar baovenin ‘ne holte oetgekap mèt ’n heiligebeeldje d’rin. Baove die äöpening waerde mei ’n klein houte daekske aangebrach. Ónger aan de paol zoot ’n iezere kesje mèt ’n sjlaot en in det kesje kóste de katholieke geluivige ’n offer (munte) deponere. Veur de paol sjting dök ’n lieëg benkske wao de miense op kóste knele óm te baeje. Oet de complete beteikenis van de baejpaol (stoc) is de benaming van ’n detail óntsjtange, de offersjtok, ‘t kesje óm geld in te deponere, taegewaordig offerblok geneump.
Deel deze pagina: