Emes dae altied niesjierig is en gaer de naas euveral insjtik waert ’n niesjierige naas geneump. In ’t Nederlands geuf ’t gèn ‘nieuwsgierige neus’ waal ’n ‘nieuwsgierig Aagje’. Aagje is de niesjierige houfpersoeën in ’n kluch oet de 17e ieëw mèt as titel ‘Kluchtigh Avontuurtje van ’t Nieuwsgierigh Aeghje van Enckhuysen’. Benaminge veur niesjierige mansluuj geuf ’t neet, asof manne neet niesjierig zien. Neum d’r mer èns eine op wie niesjierig Bertje of niesjierige Frens. Niesjierige naze gaon geraffineerd te wèrk óm emes oet te hure. Dao-euver geuf ’t diverse oetdrökkinge, allemaol gebaseerd op ’t lospeutere van interessante informatie. Bieveurbeeld in de symbolische zin: “Zie probeert mich dökker de perik oet de naas te haole.” Idderein kèn zich dao waal get bie veursjtèlle. “Hae haet vanmorge bie mich aan de hèk gesjöd.” Letterlik aan de hèk sjödde is óm te kieke of d’r veugel wegvlege. Figuurlik sjödde is bedoeld om te bereike det emes get biezónjers priesgeuf. Vergeliekbaar is de oetdrökking “Oppe mert haet zie mich weer aan de korf gesjtoeëte.” Symbolisch bedoeld om get aan de weet te kómme. Wat höbs se in dae korf? Allein mer get niesjierige naze!
Deel deze pagina:
Emes dae altied niesjierig is en gaer de naas euveral insjtik waert ’n niesjierige naas geneump. In ’t Nederlands geuf ’t gèn ‘nieuwsgierige neus’ waal ’n ‘nieuwsgierig Aagje’. Aagje is de niesjierige houfpersoeën in ’n kluch oet de 17e ieëw mèt as titel ‘Kluchtigh Avontuurtje van ’t Nieuwsgierigh Aeghje van Enckhuysen’. Benaminge veur niesjierige mansluuj geuf ’t neet, asof manne neet niesjierig zien. Neum d’r mer èns eine op wie niesjierig Bertje of niesjierige Frens. Niesjierige naze gaon geraffineerd te wèrk óm emes oet te hure. Dao-euver geuf ’t diverse oetdrökkinge, allemaol gebaseerd op ’t lospeutere van interessante informatie. Bieveurbeeld in de symbolische zin: “Zie probeert mich dökker de perik oet de naas te haole.” Idderein kèn zich dao waal get bie veursjtèlle. “Hae haet vanmorge bie mich aan de hèk gesjöd.” Letterlik aan de hèk sjödde is óm te kieke of d’r veugel wegvlege. Figuurlik sjödde is bedoeld om te bereike det emes get biezónjers priesgeuf. Vergeliekbaar is de oetdrökking “Oppe mert haet zie mich weer aan de korf gesjtoeëte.” Symbolisch bedoeld om get aan de weet te kómme. Wat höbs se in dae korf? Allein mer get niesjierige naze!
Deel deze pagina: