Deel deze pagina:
“Kiek èns, dao is weer ’n groeëte kloog ganze gelandj”. Kloog is de naam veur ‘ne troep veugel. De naam kump oet ’t Middelnederlands (1200-1500) in de vorm clucht en haaj toen as beteikenis ‘afdeling van de burgerij’ later ‘menigte’ en ‘troep’. In ’t Nederlands besjteit, in relatie mèt veugel, nag de naam klucht mer die benaming is sjpecifiek verbónje aan petrieze ‘een klucht patrijzen’. Veur angere veugel is de Nederlandse naam ‘vlucht’. Bieveurbeeld ‘een vlucht ganzen, een vlucht regenwulpen’. In ós modertaal waert veur gróttere veugel allein mer kloog gebroek.
Bie klèndere veugel is de Nederlandse benaming ‘zwerm’, krek wie in ós eige modertaal. ‘Een zwerm spreeuwen’ kènne veur as ‘ne zjwerm sjpraone. Hiel biezónjer is de naam zjwerms-zjwerm, mer dae haet gaar nieks mèt veugel te make mer mèt bieje. De benaming haet te make mèt ‘t sjplitse van ’t biejevolk as de biejekas te klein waert. Den geit ’n gedeilte zjwerme, en daonao kèn d’r nag ‘ne zjwerm oet de kas vlege. Det is den de zjwerms-zjwerm, de zjwerm nao de ieërste zjwerm.
Deel deze pagina:
“Kiek èns, dao is weer ’n groeëte kloog ganze gelandj”. Kloog is de naam veur ‘ne troep veugel. De naam kump oet ’t Middelnederlands (1200-1500) in de vorm clucht en haaj toen as beteikenis ‘afdeling van de burgerij’ later ‘menigte’ en ‘troep’. In ’t Nederlands besjteit, in relatie mèt veugel, nag de naam klucht mer die benaming is sjpecifiek verbónje aan petrieze ‘een klucht patrijzen’. Veur angere veugel is de Nederlandse naam ‘vlucht’. Bieveurbeeld ‘een vlucht ganzen, een vlucht regenwulpen’. In ós modertaal waert veur gróttere veugel allein mer kloog gebroek.
Bie klèndere veugel is de Nederlandse benaming ‘zwerm’, krek wie in ós eige modertaal. ‘Een zwerm spreeuwen’ kènne veur as ‘ne zjwerm sjpraone. Hiel biezónjer is de naam zjwerms-zjwerm, mer dae haet gaar nieks mèt veugel te make mer mèt bieje. De benaming haet te make mèt ‘t sjplitse van ’t biejevolk as de biejekas te klein waert. Den geit ’n gedeilte zjwerme, en daonao kèn d’r nag ‘ne zjwerm oet de kas vlege. Det is den de zjwerms-zjwerm, de zjwerm nao de ieërste zjwerm.
