Deel deze pagina:
Ós modertaal haet väöl waord oet ’t Frans euvergenaome. Door de gewuuëne burgers die gèn Frans kóste waerde Franse wäörd dök verhaspeld. Sjelderm is dao ’n veurbeeld van, ’t originele Franse waord is ‘gendarme’ en det is ‘ne militaire pliesie . In Frankriek goof ’t al ieëwelang pliesies te paerd, die de aopebare orde móste handjhave, veural op ’t plattelandj. Det waar de taak van ’t korps ’Maréchaussée’ det ‘bereden politiekorps’ beteikende. In 1790 waerde in Frankriek de naam verangerd in ‘Gendarmerie nationale’. In de Franse tied (1795 -1815) waerde ouch in Nederlandj ‘n ‘Korps Gendarmerie’ opgerich, ’n sjnel inzetbaar nationaal pliesiekorps te paerd mèt ’n militaire sjtructuur. In de sjtaej goof ‘t pliesies en op ’t plattelandj veldwachters. In ós modertaal óntsjting toen de benaming ‘sjelderm’ veur ‘ne gendarme. In 1815 waerde in ós landj de naam Gendarmerie verangerd in Marechaussee. De burgers bleve de marechaussees nag generaties lang sjelderme neume mer ónger invloed van de nieje benaming verdween ’t waord sjelderm langzaam oet ’t dageliks taalgebroek. In Frankriek geuf ’t nag sjelderme. Dao is de ’Gendarmerie Nationale’ net wie de ‘Koninklijke Marechaussee’ ’n militaire organisatie, óngerdeil van de nationale ‘krijgsmacht’. Ze veure ouch sommige burgerpliesietake oet.
Deel deze pagina:
Ós modertaal haet väöl waord oet ’t Frans euvergenaome. Door de gewuuëne burgers die gèn Frans kóste waerde Franse wäörd dök verhaspeld. Sjelderm is dao ’n veurbeeld van, ’t originele Franse waord is ‘gendarme’ en det is ‘ne militaire pliesie . In Frankriek goof ’t al ieëwelang pliesies te paerd, die de aopebare orde móste handjhave, veural op ’t plattelandj. Det waar de taak van ’t korps ’Maréchaussée’ det ‘bereden politiekorps’ beteikende. In 1790 waerde in Frankriek de naam verangerd in ‘Gendarmerie nationale’. In de Franse tied (1795 -1815) waerde ouch in Nederlandj ‘n ‘Korps Gendarmerie’ opgerich, ’n sjnel inzetbaar nationaal pliesiekorps te paerd mèt ’n militaire sjtructuur. In de sjtaej goof ‘t pliesies en op ’t plattelandj veldwachters. In ós modertaal óntsjting toen de benaming ‘sjelderm’ veur ‘ne gendarme. In 1815 waerde in ós landj de naam Gendarmerie verangerd in Marechaussee. De burgers bleve de marechaussees nag generaties lang sjelderme neume mer ónger invloed van de nieje benaming verdween ’t waord sjelderm langzaam oet ’t dageliks taalgebroek. In Frankriek geuf ’t nag sjelderme. Dao is de ’Gendarmerie Nationale’ net wie de ‘Koninklijke Marechaussee’ ’n militaire organisatie, óngerdeil van de nationale ‘krijgsmacht’. Ze veure ouch sommige burgerpliesietake oet.
