Deel deze pagina:
Dökker de waeg kwiet op zeuk nao de juuste sjpelling? Maak den diene eige sjpellingsnavigator. Modertaal kalle is väöl miense mèt de paplaepel ingegaote, modertaal sjrieve neet. Det sjrieve kèns se liere en gelökkig zien d’r officieel vasgesjtèlde richliene. Die zien neet zaligmakend mer as hölpmiddel good hanteerbaar. Óm acceptabel Limburgs te wille en kènne sjrieve kèns se mèt ’n klein aantal korte richliene al hiel wied kómme. Laote veur in ós eige lokale modertaal beginne. Bie -ao- en -ae- is ’t hiel henjig óm ’t volgende aezelsbrökse te ónthaje:
1. Bie ao en ae geit de a altied veurop.
De ao klink wie de -o- in de kleur ‘roze’, gesjreve as -ao- wie in ‘Veur gaon raoze roeëze koupe in Baolder’. Bie de äö, die klink wie ‘bird’ (vogel) in ’t Ingels, blief de ä (mèt trema) ouch veur de ö (mèt trema) sjtaon. Bieveurbeeld näöle, päöl, träöt. De ae klink wie de -ai- in ‘airco’, gesjreve as -ae-. Bieveurbeeld: ‘Veur gaon gaer nao Naer haer’. De cómbinatie -ea- kump in de Limbugse sjpellingsrichliene neet veur. De cómbinatie -oa- kump in sommige Limburgse dialecte waal veur. Beveurbeeld in ’t Vallekebergs (Valkenburgs), ‘groot’ waert dao as groat gesjreve, ómdet de oetsjpraok ouch - groowat - is. In ós modertaal sjrieve veur det as groeët, oetgesjpraoke as -groewet-.
Deel deze pagina:
Dökker de waeg kwiet op zeuk nao de juuste sjpelling? Maak den diene eige sjpellingsnavigator. Modertaal kalle is väöl miense mèt de paplaepel ingegaote, modertaal sjrieve neet. Det sjrieve kèns se liere en gelökkig zien d’r officieel vasgesjtèlde richliene. Die zien neet zaligmakend mer as hölpmiddel good hanteerbaar. Óm acceptabel Limburgs te wille en kènne sjrieve kèns se mèt ’n klein aantal korte richliene al hiel wied kómme. Laote veur in ós eige lokale modertaal beginne. Bie -ao- en -ae- is ’t hiel henjig óm ’t volgende aezelsbrökse te ónthaje:
1. Bie ao en ae geit de a altied veurop.
De ao klink wie de -o- in de kleur ‘roze’, gesjreve as -ao- wie in ‘Veur gaon raoze roeëze koupe in Baolder’. Bie de äö, die klink wie ‘bird’ (vogel) in ’t Ingels, blief de ä (mèt trema) ouch veur de ö (mèt trema) sjtaon. Bieveurbeeld näöle, päöl, träöt. De ae klink wie de -ai- in ‘airco’, gesjreve as -ae-. Bieveurbeeld: ‘Veur gaon gaer nao Naer haer’. De cómbinatie -ea- kump in de Limbugse sjpellingsrichliene neet veur. De cómbinatie -oa- kump in sommige Limburgse dialecte waal veur. Beveurbeeld in ’t Vallekebergs (Valkenburgs), ‘groot’ waert dao as groat gesjreve, ómdet de oetsjpraok ouch - groowat - is. In ós modertaal sjrieve veur det as groeët, oetgesjpraoke as -groewet-.
