Waem haet neet wiebelend en get ónhenjig liere autopette? Intösse haet de sjtep de autoped ingehaold en de jeug geit lever wiejer mèt sjteppe. ‘Autopède’ is de aje Franse benaming oet 1918 veur de motorautoped. De naam is aafgeleid van ’t Griekse ‘autos’ (zelf) en ’t Latiense ‘pedes’ (voeten). As ’t ware mèt de veut op ’n plenkske mèt raedjes vanzèlf veuroetkómme. De sjpeelgoodversie zónger motor kreeg dezèlfde naam. Vergeliekbaar mèt ‘t Frans waar autoped ouch in ’t Nederlands en in ós modertaal de gangbare naam veur de moderautoped én de sjpeelgoodversie. De oersjprónkelike Ingelse naam veur de kinjerautoped is ‘scooter’. De ieërste ‘motorscooters’ waerde vanaaf 1910 in Amerika geproduceerd. Nao de Ieërste Waereldoorlog volgde de export nao Europa. Bekènd waar de op ’t Frans gebaseerde merknaam ‘AUTOPED’. De fabrikant waar ‘The Autoped Company of America’ in New York. De greujende vrouwe-emancipatie in de Amerikaanse samelaeving zorgde veur ‘ne extra impuls. De firma produceerde ‘n mekkelik hanteerbare en lichte autoped, compleet met ‘n benzinemeuterke det ’t veurraad aandreef. Vrouwe kóste mèt häör lange rök en jes soepel op- en aafsjtappe en vrie en ónaafhankelik euveral haer knäöre. In Nederlandj kreeg de motorautoped mer beperk ‘ne voot aan de gróndj. De kinjerautoped waerde waal erg populair en autopette ’n rage.
De vraog nao de herkóms van de naam autoped kump van Diny Rovers-Crommentuijn oet Óffebek.
Deel deze pagina:
Waem haet neet wiebelend en get ónhenjig liere autopette? Intösse haet de sjtep de autoped ingehaold en de jeug geit lever wiejer mèt sjteppe. ‘Autopède’ is de aje Franse benaming oet 1918 veur de motorautoped. De naam is aafgeleid van ’t Griekse ‘autos’ (zelf) en ’t Latiense ‘pedes’ (voeten). As ’t ware mèt de veut op ’n plenkske mèt raedjes vanzèlf veuroetkómme. De sjpeelgoodversie zónger motor kreeg dezèlfde naam. Vergeliekbaar mèt ‘t Frans waar autoped ouch in ’t Nederlands en in ós modertaal de gangbare naam veur de moderautoped én de sjpeelgoodversie. De oersjprónkelike Ingelse naam veur de kinjerautoped is ‘scooter’. De ieërste ‘motorscooters’ waerde vanaaf 1910 in Amerika geproduceerd. Nao de Ieërste Waereldoorlog volgde de export nao Europa. Bekènd waar de op ’t Frans gebaseerde merknaam ‘AUTOPED’. De fabrikant waar ‘The Autoped Company of America’ in New York. De greujende vrouwe-emancipatie in de Amerikaanse samelaeving zorgde veur ‘ne extra impuls. De firma produceerde ‘n mekkelik hanteerbare en lichte autoped, compleet met ‘n benzinemeuterke det ’t veurraad aandreef. Vrouwe kóste mèt häör lange rök en jes soepel op- en aafsjtappe en vrie en ónaafhankelik euveral haer knäöre. In Nederlandj kreeg de motorautoped mer beperk ‘ne voot aan de gróndj. De kinjerautoped waerde waal erg populair en autopette ’n rage.
De vraog nao de herkóms van de naam autoped kump van Diny Rovers-Crommentuijn oet Óffebek.
Deel deze pagina: