‘D’raan wie Blücher’ is ‘ne latere variant van ‘D’raan wie Verkes Wullem’. Gebert Leberecht von Blücher (1742 – 1819) waar ‘ne Pruse veldmaarsjalk dae bekènd sjting óm zien enorme sjlaagkrach tiedes diverse veldsjlaeg, ó.a. taege Napoleon. Mèt zien ruterie leet Blücher zich door nieks en nemes taegehaje. Ziene bienaam waar ‘Marschall Vorwärts’. Angere oetdrökkinge mèt óngevieër dezèlfde beteikenis zien: ‘D’raan gaon wie d’r duvel’ en ‘D’raan gaon wie d’r duvel op Geelke’. Geelke is de aartsingel Michaël dae nao ’n duchtige sjtried de duvel haet versjlage. Ouch hure veur waal èns de oetdrökkinge: ‘D’raan gaon wie nag nie’ / ‘Door ’n däörehèk gaon’/ ‘Door ’n sjteinse moer gaon’. De oetdrökking ‘Door kappes en tabak gaon’ beteikent door diek en dun gaon, zich door nieks laote taegehaje. Kappes, de dieke bolvormige witte koeël sjteit symbool veur diek en de tabak veur dun.
Deel deze pagina:
‘D’raan wie Blücher’ is ‘ne latere variant van ‘D’raan wie Verkes Wullem’. Gebert Leberecht von Blücher (1742 – 1819) waar ‘ne Pruse veldmaarsjalk dae bekènd sjting óm zien enorme sjlaagkrach tiedes diverse veldsjlaeg, ó.a. taege Napoleon. Mèt zien ruterie leet Blücher zich door nieks en nemes taegehaje. Ziene bienaam waar ‘Marschall Vorwärts’. Angere oetdrökkinge mèt óngevieër dezèlfde beteikenis zien: ‘D’raan gaon wie d’r duvel’ en ‘D’raan gaon wie d’r duvel op Geelke’. Geelke is de aartsingel Michaël dae nao ’n duchtige sjtried de duvel haet versjlage. Ouch hure veur waal èns de oetdrökkinge: ‘D’raan gaon wie nag nie’ / ‘Door ’n däörehèk gaon’/ ‘Door ’n sjteinse moer gaon’. De oetdrökking ‘Door kappes en tabak gaon’ beteikent door diek en dun gaon, zich door nieks laote taegehaje. Kappes, de dieke bolvormige witte koeël sjteit symbool veur diek en de tabak veur dun.
Deel deze pagina: