“Dao kump de gezet” of “Dao höbs se ’t nietsblaad” ware bekènde oetdrökkinge veur emes dae altied wis wat d’r zich allemaol in de gemeinsjap aafsjpeelde. Eigelik ’n sjpraekende dörpsgezet. Idderein maakde dankbaar gebroek van zó’n gratis gezet mèt ’t lètste dörpsniets. Taegewaordig höbbe ‘social media’ die rol euvergenaome. Eine kieër per jaor versjient al generaties lang ’n biezónjere pepiere gezet, namelik de vastelaovesgezet, in ós lokale modertaal. Idder jaor waert die weer mèt interesse gelaeze. In Bezel en oppe Ruiver höbbe die vastelaovesgezette ’n lange traditie. In Bezel versjeen de ieërste editie in 1905 ónger de naam ‘De Wuilus’, later ómgeduip toet ‘De Draaksjtêker’. Oppe Ruiver versjeen de ieërste vastelaovesgezet in 1910 mèt as titel ‘De Ruiversche Trom’. Later kreeg die de naam ‘De Windbuujel’. Die ludieke dörpsgezette sjpraeke de luuj nag altied aan en zorge veur sjpas en plezeer.
Biezónjere sjpraekende en gedrökde gezette
Deel deze pagina:
“Dao kump de gezet” of “Dao höbs se ’t nietsblaad” ware bekènde oetdrökkinge veur emes dae altied wis wat d’r zich allemaol in de gemeinsjap aafsjpeelde. Eigelik ’n sjpraekende dörpsgezet. Idderein maakde dankbaar gebroek van zó’n gratis gezet mèt ’t lètste dörpsniets. Taegewaordig höbbe ‘social media’ die rol euvergenaome. Eine kieër per jaor versjient al generaties lang ’n biezónjere pepiere gezet, namelik de vastelaovesgezet, in ós lokale modertaal. Idder jaor waert die weer mèt interesse gelaeze. In Bezel en oppe Ruiver höbbe die vastelaovesgezette ’n lange traditie. In Bezel versjeen de ieërste editie in 1905 ónger de naam ‘De Wuilus’, later ómgeduip toet ‘De Draaksjtêker’. Oppe Ruiver versjeen de ieërste vastelaovesgezet in 1910 mèt as titel ‘De Ruiversche Trom’. Later kreeg die de naam ‘De Windbuujel’. Die ludieke dörpsgezette sjpraeke de luuj nag altied aan en zorge veur sjpas en plezeer.
Biezónjere sjpraekende en gedrökde gezette
Deel deze pagina: