PUIK DIALECT

Blieje toep!


Tekst: Paul Bloemen

Veur kènne allemaol de oetdrökking ‘Doe blieje toep!’ Det waert gezag taege emes dae mèt ’n hiel blie gezich opèns get duit of zaet wao angere zich op det moment erg euver verbaze. Mei stèlle veur ouch waal èns de vraog ‘Wat bös doe veur ‘ne blieje?’ of wieze nao emes dae zich opvallend komisch gedreug en zègke den ‘Kiek dae blieje dao!’ Ouch as emes zich neuzel gedreug kèn dae persoeën as ‘blieje’ betiteld waere. Min oerdeile euver ‘ne ganse groep kump veur in ‘n oetdrökking wie ‘Det zien allemaol blieje, dao gaon ich neet bie.’

Vreuger goof ’t de oetdrökking ‘De blieje gaon veurop.’ Det gebeurde bie de begrafenis van ’n sókkertant of sókkerome, waovan de erfgename zich alves verheugde op de erfenis.

Klik hier om je gratis in te schrijven voor Puik | Deel deze pagina: