PUIK DIALECT

Huilig miechele en den roeps klaor

Door: Paul Bloemen

Huilig huurt thoes in de categorie vergaete wäörd. Huilig beteikent hortig, sjnel. In ’t Tegels waordebook sjteit ‘huiling’ in de beteikenis van plotseling. Huilig miechele is hortig en gulzig aete. Ein van de beteikenisse van roeps is sjnel, in ‘ne woep, in ’n mum van tied. As emes roepetig is den wèrk dae persoeën erg sjnel, mer waal tamelik sjlordig. Det neume veur mèt de Franse sjlaag wèrke. Roepetige kinjer zien kinjer die hiel rap en bewaeglik zien. In ’t Limburgs geuf ‘t onnag ‘t waord hellig. Hellig beteikent sjnel, mer ouch kwaod wie de hèl, vuur spieje. In Limburgse regio’s die aan Braobantj grenze sjpraeke ze van ‘ne hèlige en dao is det ‘ne heilige. Gelökkig geuf ’t nörges ‘ne hellige hèlige of ‘ne hellige heilige. Allein duvels zien hellig.

Klik hier om je gratis in te schrijven voor Puik | Deel deze pagina: