PUIK DIALECT

Gerèld kaore

Door: Paul Bloemen

Gemeid graas waert hui. Gedors kaore blief op ’t veld achter as sjtruuë. Hui en sjtruuë waere gerèld. Rèlle is rieje make van gemeid graas of gedors kaore. Rèl of ril haet twieë beteikenisse: de voor of de geul / de huuëgte naeve ’n voor of geul. Ein waord dus veur zoewaal de deepte as de huuëgte. Wat bedoeld waert mót oet ‘t verhaol blieke. In ’t Nederlands waert regel gebroek in de beteikenis ‘een regel gemaaid gras, koren’. Reghele waar in ’t Middelnederlands (± 1450) ’t algemeine waord veur richtlijn, regel, rechte lijn, lineaal. Bie ‘t rèlle waert alles in lange rechte regels bie-ein gebrach, rèlle hui, rèlle sjtruuë. In de Nedersaksische taal in ‘t naordoeëste van Nederlandj is ‘n ril of rèl de huuëgte in ’t midde van ’n vaarleis (kerresjpaor) tösse twieë depe vaargleuve. De huuëgte tösse twieë ploogvore is dao ouch ’n rèl of ril.

Klik hier om je gratis in te schrijven voor Puik | Deel deze pagina: