PUIK DIALECT

Woort? Jao, det woort gebroek

Door: Paul Bloemen

Diverse modertaalsjpraekers gebroeke nag de authentieke vorme van waere (worden) in de verleje tied (werd). Ich woort, doe woors, hae/zie/het woort, veur woorte, geur woort en zie woorte. Al mieër hure v’r de vorme ich waerde, doe waerdes, hae/zie/het waerde, veur waerde, geur waerde, zie waerde. Zó’n zèlfde versjiensel duit zich ouch veur bie zien (zijn) in de verleje tied (was). Ich waar, doe waars, hae/zie/het waar. Die vorme zien verangerd in ich waas, doe waas, hae/zie/het waas. Allein in de vraogende vorm bie doe ‘Wao waars doe? of ‘Wao waars se?’ hure veur de basisvorm ‘waar’ nag dök truuk. De woort-vorme kwame vreuger euveral in ós regio veur. Van Vènlo toet Remunj; euver de Maas en ouch euver de päöl in Pruses. Taegewaordig vinje väöl miense hie det die woort-vorme vraemd klinke, get oet anger regio’s, veural dao wao de bie ós verdwene waar-vorme sjtandj höbbe gehaje, mer den waal mèt ‘ne angere klank: ich woor, doe woors, hae/zie/het woor, veur wore, geur (geer) woort, zie wore.

Klik hier om je gratis in te schrijven voor Puik | Deel deze pagina: