PUIK DIALECT

DE PIEN IN 'T VENLOOS EN DE MINUUT IN 'T ZJWAAMS

Door Paul Bloemen

Wis g’r det in Venlo de pien korter is as bie ós? En det in Zjwame ’n minuut langer doert as bie ós? Dialeksjpraekers weite det waal, want die hure det. Zie zien in sjtaot de allerklènste gesjpraoke klanknuances te hure en te interpretere. Dialeksjpraekers höbbe ’n feilloos gehuur veur toeënvariaties. Minuut waert in Zjwame ’n fractie langer oetgesjpraoke as bie ós. Diverse angere wäörd wie bieveurbeeld mien, zien en dien waere dao ouch get langer oetgesjpraoke. ‘Ziene haof lik naeve mien hoes.’ Pien waert in Vènlo korter oetgesjpraoke as bie ós, net zoe wie lien en wien. Ouch de Venlose doem is get korter. ‘Ik heb p̻̥i̥e̥n aan den do̥e̥m.’ Al dees kleine variante kènne allein mer dialeksjpraekers waornimme. Neet dialeksjpraekers zien dao neet toe in sjtaot, die hure det neet.

Klik hier om je gratis in te schrijven voor Puik | Deel deze pagina: