PUIK DIALECT

’T RUIVERS-BEESELS HAET FIEËS. DET MÓTTE VEUR SAME VIERE!

Door Paul Bloemen

Op 21 februari 2019 waert oppe ganse waereld de Daag van de Modertaal gevierd. De UNESCO reup idderein dae zien modertaal leef is op óm extra aandach te gaeve aan de taal die se van jóngs aaf aan höbs gelieërd. Nag altied waere sommige modertale gediscrimineerd en weggezatte as minderwaerdig, lómp, boers en sjlech. Soms waerd ’t miense zelfs verbaoje óm häör eige modertaal te liere of te sjpraeke. Ós dialek is ouch ’n modertaal die, same mèt alle angere Limburgse dialekte, sinds 1997 internationaal erkènd is. Ein echte eige sjtreektaal wao veur gerös gruuets op moge zien, erkènd door gans Europa en ós eige regering, mèt de opdrach óm ós modertaal te besjerme taege discriminatie en verloedering en zeker óm ze insjtandj te haje. Haopelik hange väöl luuj in ós gemeinte op 21 februari de (gemeinte)vlag oet en traktere zich óngerein op ’n flink sjtök modertaaltaart. De fieëssjpreuk is: ‘Kal mer plat den duis se zat en versjteis se plat den kèns se zat’. Dit lètste geldt veur luuj die in ós gemeinsjap laeve en mèt ’n angere modertaal zien groeëtgebrach. Idderein mót zien eigen modertaal in ieëre haje en angere modertale respectere.

Klik hier om je gratis in te schrijven voor Puik | Deel deze pagina: