Sommige luuj bringe ’n aaj oetdrökking euver nao de moderne tied en det is sjoeën óm te hure. As de baom van ’n flaaj erg diek waar den woort dae baom vergeleke mèt ‘ne dieke laere sjoonzaol. Dun van sjmaer beteikent det de sjpies oppe flaajbaom erg dun d’rop gedaon waar. Ós Limburgse flaaj is ’n officieel erkènd sjtreekproduct in Europa gewaore en de productie is aan sjtrenge regels gebónje. Allein bekkers oet Nederlands- en Belgisch Limburg moge flaaj as ‘Limburgse flaaj’ verkoupe. En de flaajbaom moog maximaal mer eine centimaeter diek zien. En daomèt kump ouch de ómgedreide oetdrökking ‘dun van laer en diek van sjmaer’ weer extra toet laeve. Die woort neet allein veur ’n flaaj mèt dunne baom en dieke sjpies gebroek mer ouch veur ’n bótram van ‘n dunne sjnee mik mèt de bótter of anger sjmaersel diek d’rop.